ຊັນມາເອງ! “ຜີ” ທຸ້ມຄ່າເຫມື່ອຍ 200 K ລໍ້ “ຮາລັນ” ລົງຫລຸມ

ຂ່າວກີລາ

ແມນເຊັດເຕີ້ ຍູໄນເຕັດ ຍອດທີມອັງກິກ ທີ່ໃກ້ຄວ້າລາຍເຊັນຂອງ ເອີລິ້ງ ຮາລັນ ຫົວຫອກດາວລລຸ້ງຟອມແຮງ
ຂອງ ເລັດບູ ຊັນບວກ ມາຮ່ວມທີມ ພ້ອມທີ່ປະເຄນຄ່າເຫມື່ອຍໃຫ້ເຖີງ 200.000 ປອນຕໍ່ສັບດາ ຖ້າຕັດສິນໃຈຍ້າຍມາຮ່ວມທັບ “ປິສາດແດງ”
ກ່ອນຫນ້ານີ້ ມີຂ່າວວ່າ ຫົວຫອກໄວ 19 ປີ ໄດ້ຍ້າຍມາຮ່ວມທີມ “ປິສາດແດງ” ໃນຊ່ວງຕະຫລາດຊື້ຂາຍລອບ 2ດ້ວຍຄ່າໂຕ 76 ລ້ານປອນ
ໂດຍມີເງື່ອນໄຂວ່າ ຫລັງຈາກຕົກລົງສັນຍາກັນແລ້ວ ແມນຍູ ຈະປ່ອຍໃຫ້ຊັນບວກຍືມໃຊ້ຈົນຈົບລະດູການ
ຮາລັນ ສິໄດ້ຮັບເງີນຄ່າເຫມື່ອຍຈາກຕົ້ນສັງກັດໃຫມ່ທີ່ 20.000 ປອນຕໍ່ສັບດາ ແລະສິໄດ້ຮັບໂບນັດຈຳນວນນັເທີ່ລັງສະຫນາມແລະປະຕູທີ່ເຮັດໄດ້

ແລະຫນ້າສິມີເງື່ອນໄຂພິເສດກວ່າ ຖ້າສາມາກພາທີມຜ່ານເຂົ້າໄປບານຍູຟ້າໄດ້ ກໍ່ສິມີໂບນັດຕື່ມອີກດ້ວຍ
ແຫລ່ງຂ່າວທີ່ເຊື່ອຖືເຜີຍກັບຊັນວ່າ “ສະໂມສອນໄດ້ຕິດຕໍ່ລົມກັບທີ່ປຶກສານັກເຕະແລະພວມພິຈາລະນາຂໍ້ສະເຫນີຕ່າງໆ ທີ່ສາມາດລໍ້ແຕ້ງລາຍນີ້”

“ເຂົາສິໄດ້ຮັບເງີນກ້ອນໃຫຍ່ເມື່ອມາຢູ່ນີ້ ມີການລົມກັນພາຍໃນສະໂມ ແລະໄດ້ຮັບອະນຸຍາດໃຫ້ເດີນຫນ້າຄວ້າໂຕຮາລັນ ມາຮ່ວມທີມ”

ແອເບ ໄລຊິກ ພັນທະມິດໃນເຄືອເລັດບູ ພະຍາຍາມຕິດຕໍ່ໄປຍັງຊັນບວກ ເພື່ອເຈລະຈາຄວ້າໂຕກອງຫນ້າ ທີມຊາດນໍເວມາເສີມທັບ ແຕ່ກໍ່ຖືກປະຕິເສດກັບມາ
ຮາລັນ ເຮັດຜັນງານໄດ້ຢ່າງຍອດຢ້ຽມໃນລະດູການນີ້ ໂດຍສາມາດເພປະຕູຄູ່ແຂ່ງໄດ້ເຖີງ 16 ປະຕູ ຈາກການລົງສະຫນາມພຽງແຄ່ 14 ນັດໃນລີກ ຈົນຕົກເປັນທີ່ຫມາຍຕາຂອງຍັກໃຫຍ່ໃນຍູໂຣບຫລາຍສະໂມສອນ